Die finansiering van die Suid-Afrikaanse goudmynbedryf

Abstract

Die ondersoek het bewys dat die kapitaalstruktuur van die Suid-Afrikaanse goudmynbedryf in bre~ trekke wel aan teoretiese finansieringsbeginsels en -vereistes voldoen. Daar skyn egter regverdigiging voor te wees om van meer leningskapitaal in die finansiering van goudmyne gebruik te maak. In hierdie verband wil dit voorkom of obligasies 'n belangriker rol behoort te speel terwyl daar minder op eie middele staatgemaak moet word vir die ontwikkeling van jong myne. Die terughou van winste moet op 'n later stadium gebruik word om obligasies af te los en sodoende die leningskapitaal met eie kapitaal te vervang. Die besondere aard van gouddraende ertsriwwe in Suid-Afrika en die unieke rol wat deur die mynhuise in die Unie gespeel word, veroorsaak dat die werklike risiko verbonde aan die goudmynbou alhier gering is. Daarby maak toegewings in die belastingstelsel van toepassing op goudmyne dit moontlik vir hierdie ondernemings om groot bedrae gedurende die beginjare van produksie uit winste vir die terugbetaling van lenings aan te wend.