Using laptops in prisoners' cells : failing to distinguish between differentiation and discrimination, and failing to identify a prohibited ground of discrimination - Pretorius v the Minister of Justice and Correctional Services 2018 2 SACR 501 (GP)

Abstract

Suid-Afrikaanse diskriminasiereg onderskei duidelik tussen blote differensiasie en diskriminasie. Blote differensiasie is meestal aanvaarbaar en howe stel 'n baie laer drempel daar vir differensiasie om grondwetlik te wees - rasionaliteit. Die Gelykheidswet 4 van 2000 spreek nie eers blote differensiasie aan nie. In Pretorius v The Minister of Justice and Correctional Services 2018 2 SACR 501 (GP) moes die hof duidelik aangetoon het tussen watter groepe gevangenes, en op watter verbode grond(e), gediskrimineer word. Die hof moes die twee toetse duidelik in gedagte gehou het - rasionaliteit vir differensiasie, en onbillikheid vir diskriminasie. Wat die hof in hierdie uitspraak moes gedoen het, was om duidelik uiteen te sit (a) wat die doel is van die relevante tronkregulasies; (b) die regverdigbaarheid van hierdie doel; (c) die verband tussen die differensiasie tussen lae-risiko gevangenes en hoe-risiko gevangenes, en die doel van die regulasies; en (d) of hierdie verband rasioneel is. Die hof het elkeen van hierdie stappe as vanselfsprekend aanvaar en in die proses onnodig met die regskonsep "diskriminasie" geworstel. Die dispuut moes eerder in terme van rasionaliteit en die Grondwet opgelos gewees het, in plaas van diskriminasie en die Gelykheidswet.