Abstract:
'Obwohl das Buch Jona sehr klein ist, hates der friihchristlichen Kunst und der Auslegung
bis auf unsere Zeit vie/ Anregung gegeben; denn "dies scheinbar so alberne
Biichlein gehort zu dem Tiefsten und Grossartigsten, was jemals geschrieben worden
ist"' (my beklemtoning). Met hierdie woorde bring Loretz (1961:18) die paradoks
tussen die lengte en die verstaanbaarheid van die boek treffend na vore. By die nagaan
van die wetenskaplike literatuur oor Jona word hierdie paradoks al hoe duideliker.
'n Mens kom onder die indruk van die diversiteit van menings oor die boek
wat gestalte vind in uitdrukkings soos 'the odd little tale' (Burrows 1970:80) en Luther
se uitroep: 'Hilf Gott, welch ein wunderlich Werk is doch das!' (Von Rad 1974:
65).
Daar is veral drie sake wat baie nou met mekaar saamhang, naamlik die komposisie,
die literatuursoort en die boodskap, wat as probleemareas van die boek
genoem word. Soveel uiteenlopende oplossings word vir hierdie drie probleemaspekte
gebied dat daar inderdaad gese sou kon word dat daar 'n Babelse verwarring
oor hierdie aspekte van die boek heers. As die lengte van die boek in ag
geneem word, is dit inderdaad 'n vreemde en unieke situasie.
